CHAPTER 22
Inisang lagok ni Bernard ang laman ng hawak niyang kopita. Hindi niya na rin mabilang kung nakakailang salin na siya ng alak sa kopitang hawak niya. He was stressed. At tanging alak lamang ang kailangan niya upang kumalma nang mga sandaling iyon.
Kasalukuyan pa siyang nasa loob ng kanyang opisina. Mag-aalas otso na ng gabi at wala ng empleyado ang natira sa BG Advertising. Lahat ay nagsiuwian na.
Ngunit siya ay naroon pa rin sa loob ng kanyang opisina at nahuhulog sa malalim na pag-iisip habang tanging alak lamang ang kanyang karamay.
Hindi niya lubusang matanggap na nitong mga nakalipas na linggo ay sunod-sunod ang pagtanggi ng iba't ibang produkto sa kanila para kunin na gagawa ng commercial para sa mga ito. At mas higit na hindi niya matanggap na pawang sa mahigpit nilang
