CHAPTER 21
Mahigpit na nakahawak si Mattheo sa barandilya ng bintana sa may ikawalong palapag ng Millares Advertising Company. May salaming nakaharang doon at mula sa kanyang kinatatayuan ay kitang-kita niya ang kalsada na nasa ibaba ng gusali. Dahil sa pasado alas siyete na ng gabi ay may mga ilaw siyang natatanaw na nagmumula sa mga sasakyan sa ibaba.
Matapos niyang magsaliksik ng tungkol sa kanya sa internet at mabasa ang tungkol sa artikulo na tumatalakay sa krimen na ginawa sa kanya ay hindi na nakagawa pa ng ibang bagay si Mattheo. Kinakausap siya ng ibang empleyado ng MAC ngunit hindi niya matugon nang maayos ang mga sinasabi ng mga ito.
Hindi na nawala sa isipan niya ang kanyang mga nabasa. At ang lahat ng iyon ay nagdagdag pa ng kaguluhan sa kanyang isipan.
He was killed, wasn
