CHAPTER 12
"Ayos ka lang ba, Miguel?" narinig niya na ulit ni Allana sa naging tanong nito sa kanya kanina.
Unti-unti ay naglakad pa ito palapit sa kanyang kinaroroonan. May pagtataka sa mga mata nito na wari ba ay nagtatanong kung bakit siya naroon at umalis sa gitna ng pagdiriwang.
Nasa pinakadulo siya ng pasilyo at sa kanyang kanan ay isang fire exit ng naturang hotel.
He decided to leave the function hall. May pakiramdam siya na halos hindi siya makahinga. At kapag nagtagal pa siya sa loob ng bulwagan ay baka hindi na niya mapigilan ang pagdaing dahil sa sakit ng ulo na kanyang nararamdaman. Habang pinapakinggan niya kanina ang mga sinasabi ni Mr. Ruel Millares ay muli na namang sinalakay ng kakaibang damdamin ang buong sistema niya. It was like a deja vu.
Huminto sa paglalakad sa
