Mabilis na lumipas ang mga araw. Malapit na ring mag-two months ang relasyon nina Reza at Kieran. At sa bawat sandaling magkasama silang dalawa ay sinusulit nila ito ng purong kasiyahan at pagmamahal.
Kahit medyo napapadalas ang uwi ni Kieran sa Bacolod dahil sa mga kailangan nitong ayusin sa hasiyenda, pinipilit pa rin nitong makauwi kinagabihan. At dahil sa mga magaganda at pinaparamdam sa kaniya ni Kieran ay unti-unti nang nababasag ang munting pagdududa ni Reza.
Sa darating na December, pagkauwi niya sa Bataan ay isasama niya ang nobyo. Para pormal itong ipakilala sa kaniyang pamilya. Handa na si Reza na tanggapin ng buo ang pagmamahal ni Kieran. At kapag inalok siya nito ulit ng kasal, hindi na niya iyon tatanggihan pa.
Nagising sa mahimbing na pagkakatulog si Reza nang maramdaman
