Walang pasok si Reza nang araw na 'yon kaya naglinis siya ng unit. Maaga ring umuwi ng Bacolod si Kieran dahil may kailangan daw uli itong ayusin. Gusto nga sana ng nobyo na sumama siya. Pero tinanggihan ng dalaga. Gusto niyang humarap sa family ni Kieran, pagkatapos niya itong iharap sa sariling pamilya.
Mabuti na lang din na hindi sumama ang dalaga sa pag-uwi ng nobyo. Dahil ilang oras pa lang simula nang umalis ito ay tumawag si Kieran, na ipinagtaka ng dalaga.
"Hello, baby. I miss you!" masigla pero malambing na bungad ng boyfriend. "Okay ka lang ba diyan?"
Napangiti si Reza. Kung magsalita kasi si Kieran parang hindi sila nagsasama halos araw-araw. Pero amimado ang dalaga na namimiss din naman niya kaagad ang nobyo kapag nawala ito sa tabi niya. "Oo naman. Okay lang po ako rito. Ka
