"O, bakit isang tasa lang ng kape ang tinimpla mo?" nagtatakang tanong ni Reza kay Kieran nang bumalik ito sa sala na iisang tasa lang ng kape ang dala.
"Malaking tasa naman ito. Share na lang tayo. Masiyadong matapang ang kapeng binili mo. Hindi maganda sa health," katuwiran ni Kieran.
Alam naman 'yon ni Reza. Kaya lang talagang adik siya sa kape. Ayaw pa niya ng three in one. At itong malaking tasa na sinasabi ni Kieran, ito talaga ang tasa na ginagamit niya tuwing nagkakape. Solve na solve siya rito. Kaya siguradong mabibitin si Reza kapag may kahati siya.
Pero hindi iyon ang lubos na inaalala ni Reza ngayon. Naiilang siya sa ideyang sa iisang tasa sila hihigop ng kape ni Kieran.
"Talagang book lover ka, ano?" pukaw ni Kieran kay Reza, habang nakatingin sa book shelves niya. Humigop
