Maganda ang gising ni Reza kinaumagahan. Bukod sa napakasarap na tagpo kagabi na hindi niya malimutan, napanaginipan pa niya si Kieran.
Iiling-iling na lang na ngumiti si Reza. Hindi niya alam kung ano ang pinakain sa kaniya ni Kieran at hindi na niya maramdaman ang pagkainis dito. She didn't know na gan'on iyon kabilis mawala at mapalitan ng excitement.
Kakaibang excitement.
Hanggang sa pagligo ay nakakabit pa rin sa mga labi ni Reza ang magandang ngiti. At nang matapos ay magtitimpla na sana ng kape ang dalaga. Pero wala na pala siyang stock kaya napilitan siyang lumabas para bumili sa tindahan ni Manang Trinidad.
Pagbukas ni Reza ng pintuan ay nagulat siya nang makitang nakatayo roon si Kieran at mukhang kakatok sana. Napalunok ang dalaga nang masamyo ang halos pareho nilang amoy.
