Naalimpungatan si Sam na parang may humahaplos sa kaniyang binti. Pabiglang bangon sana ang kaniyang gagawin pero naunahan siya ng lalaki. Maliksi nitong naitakip ang kanang kamay sa kaniyang bibig habang ang kaliwa ay itinutok sa kaniya ang hawak na patalim, malapit sa kaniyang leeg.
"Subukan mong sumigaw, patay ka." At ngumisi pa ito nang nakakaloko. Bungal na ito at kaunting ngipin na lang ang makikita, naninilaw pa. Nalanghap niya rin ang mabahong hininga nito na pinagsamang alak at sigarilyo. Hubad-baro ito at tanging brief na lang ang suot. Ang payat-payat nito at namumungay pa ang mga mata.
Adik!
Kahit nanginginig sa takot, pilit pinatapang ni Sam ang sarili. Hindi siya nagtangkang sumigaw o magsalita man lang. Kailangang makaisip siya nang paraan kung paanong makakatakas sa pan
