Makalipas ang isang buwan...
Bumalik sa normal na buhay si Sam. Itinago na muna niya ang notebook sa kahon ng damitan at wala pa siyang balak na gamitin itong muli. Mula kasi ng nangyari ang mga iyon sa sementeryo, hindi na siya makatulog at tatlong gabi siyang binangungot.
Nabalita ang nangyari sa sementeryo at na-tv pa ito. Subalit, walang nakakaalam kung sino ang maaaring gumawa niyon. May kumalat pang magnanakaw ang lalaking napatay niya at ito ang may gawa nang pagkuha ng kabaong ng matandang lalaki. Sapantaha ng iba na may mga kasama ito at inonsehan ang kasama kaya pinatay na lang.
Medyo nakahinga naman nang maluwag si Sam at ligtas na siguro siya sa krimen.
Nang araw ring iyon ay nagulat ang doktor na tumitingin sa kaniyang ina at himala raw na bigla na lang nawala ang sakit ni
