Atras-abante ang ginagawa ni Sam nang marating ang pakay na lugar. Halos kalahating oras na siyang naroon na kung tutuusin e, fifteen minutes lang nang makarating siya. Sa lugar kung saan inilibing si Aling Bining siya nagpunta. Dito na niya naisip na gawin ang katuparan ng utos. Tutal, ito lang ang alam niyang malapit, lalayo pa ba siya?
Kahit naka-jacket, nanunuot sa kalamnan niya ang lamig sa paligid. Pinipilit niyang labanan ang nginig at takot na kaniyang nararamdaman. Isinasaisip niyang para sa ina ang kaniyang gagawin.
Isang malakas na pagbuga ng hangin at sumampa na si Sam sa may kababaang gate. Matapos pagpagan ang mga kamay, inilibot niyang maigi ang paningin sa paligid. Madilim at medyo mabaho sa sementeryong iyon. Sa pagkakaalam niya, bihira na ang naglilinis doon. Kinuha ni
