Napaupo naman ang lalaki para pumantay sa taas niya. "Bakit naman matatakot ang mama mo kung makakita siya ng taong hindi niya nakikilala?" usisa nitong may pagtataka sa tinig. "Naku, bata, kapag nakita ako ng mama mo, panigurado, hindi siya matatakot. Baka kiligin pa siya."
"Kawawa naman si Mama..." pahayag niyang 'di na napigilan ang pagtulo ng luha.
Naalarma ang lalaki na muling napatingin sa paligid. "Oi bata, bakit ka ba umiiyak? Nasaan ba ang mama mo? Bakit ka niya inabandona?" tanong nitong pinunasan pa ang luha niya gamit ang sleeve nito. "Oi, magtigil ka na. Wala naman akong ginagawang masama sa ‘yo ah? Huwag ka na ngang umiyak?"
Nalipat ang atensyon ni Sasha sa malaking aquarium na nasa bandang harapan nila, at muling namangha sa mga bagong nilalang na nakikitang lumalangoy sa
