***
Sa tinig pa lang ng mga munting mag-aaral ng Lavender Pre-school, madarama na ang saya at excitement para sa pinananabikang araw ng mga ito.
Ngayon ang unang field trip ni Sasha kaya batid ni Janice na halos hindi ito nakatulog kagabi. Subalit hindi naman mahahalata ang bagay na ‘yon dahil napakaaktibo pa rin nito at napakasigla.
Kanina pa nila nalibot ang halos buong Under the Sea Adventure, isang malaking aquarium at theme park na kamakailan lang ay binuksan. Mistula nga silang nasa ilalim ng dagat sa dami ng iba't ibang uri ng mga lamang-dagat na walang sawang lumalangoy sa paligid.
Kitang-kita ni Janice ang pagkamangha sa mukha ni Sasha, sa mga nakikita nitong iba't ibang sea creatures na lumalangoy lamang sa may bandang itaas nila. Patakbo-takb
