"Dapat si Noel ang gumagawa nito, eh!" pabalagbag niyang inilabas ang mga t-shirt na kaniyang nakita mula sa cabinet. Saka niya 'yon ihinilera sa babasaging istanteng nakapuwesto sa gitna ng silid.
Napakasuwerte talaga ng manager niya sa kaniya dahil napaka-considerate niya. Abala ito ngayon sa iba nitong alaga. Hindi lang naman kasi siya ang hinahawakan nito.
Dahil hindi siya makuntento sa mga damit na 'yon ay humanap pa siya ng iba. Kahit ang mga nakatuping t-shirt ay hinalukay na rin niya, hanggang sa malipat ang paningin niya sa mga box na nakalagay sa ilalim ng kabinet.
"Ano 'tong mga ito?" usal niya sa sarili saka siya lumuhod para mabuksan 'yon.
Halos matigilan naman siya dahil sa bumungad doon.
Biglang bumigat ang kaniyang pakiramdam kasabay ng malakas na pa
