***
Sa pag-uwi ni Mang Ariel, punong-puno ng pagkalito ang isipan niya. Ilang taon na rin niyang hindi nakita ang matandang ‘yon mula noong maaksidente si Janice. Ang buong akala niya ay huminto na ito, pero heto, muli na naman itong humihingi ng DNA.
Sa kaniyang pagkakaalala ay kinuhaan na ito ni Bella ng ganoong test, pero, 'di naman nito ipinaalam sa kaniya ang resulta. Hindi niya lubos maisip kung anong klaseng kasunduan ang namagitan sa kaniyang asawa at kay Bella, para humantong sa ganoong usapin. Ngunit, natitiyak niyang may kinalaman 'yon sa Last and Will Testament ng namayapang si Don Rodrigo Montemayor.
Inis na nilagok ni Mang Ariel ang tubig na nakuha niya sa mesa. Mukhang muli na namang maiipit sa gitna ng gulo ang kaniyang anak. Hindi ba talaga ito titigilan ng
