***
"Ano bang naisipan n'yo at gusto na ninyong gupitan si Sasha? Eh, ang iksi-iksi pa nga ng buhok nito," asik ni Janice pagkapasok nila sa loob ng bahay.
"K-kailangan ko kasi ng buhok niya," halos bulong ni Mang Ariel.
Nilingon niya ang ama. Ni hindi ito makatingin nang diretso sa kaniya. Nakita rin niyang ang itinatago nito sa kamay ay isang gunting.
"Bakit po?" tanong niyang ibinaba na si Sasha. Pinaupo niya ang bata sa may sofa para mapunasan ang luha gamit ang kaniyang panyo.
Maging si Candy ay naghihintay rin sa sagot ni Mang Ariel.
"Ah kasi…" Napatingin ang kaniyang ama sa kung saan. Mukhangnag-iisip ng maidadahilan. "Hindi ba, nagkasakit siya kailan lang? Nabasa ko na kailangan lang nating sunugin ang buhok niya para dasalan."
"Nabasa saan?" sabad ni Ca
