***
Masusing proseso ang pagbuo ng palabas sa teatro, lalo pa at ang gagawin nila ay isang musical. Hindi naman ito naging problema sapagkat lahat ng tauhang narito, gamay na ang kaniya-kaniyang tungkulin. May iba nga rito na dala-dalawa ang trabahong ginagampanan, kung kakayanin. Siyempre, doble rin naman ang bayad niyon.
Maliban sa mga staff, ang ibang miyembro ng creative teams at crews ay contractual or freelancer. May mga kinukuha rin silang estudyante o hindi naman kaya ay 'yong sumasali sa workshsops para sa experience.
Isa si Janice sa nagsulat ng script, ngunit katulong niya si Ms. Alena, ang eksperto sa pagsulat ng mga palabas na may perpektong timpla ng musika at kuwentong makapagbibigay ng inspirasyon sa manonood.
Maraming dumalo noong nakaraan nang sila ay
