[Pagpapatuloy...]
Nakakagulat na nga pagta-transform nito sa paningin niya dahil lang sa boses. Pero, mas nakakabigla ang huling sinabi nito. "Ano po?" tanong ni Janice.
"Bingi ka ba? Sabi ko, bayad na kayo!" Pinanlakihan pa siya nito ng mata at pinilantikan ng daliri. "Umalis ka na at marami pa akong gagawin."
Nang tumunog ang phone na nasa mesa, malamya nitong kinuha 'yon at inilagay sa tainga. "Yes, hello? Oh, honey?...Mamaya, promise mo 'yan, ha?...Okay, see you." Malanding ngiti ang biglang sumilay sa kulay rosas nitong labi.
Makailang-ulit naman siyang napakurap. "Bayad na po kami? Sino naman pong nagbayad?"
"Secret, walang clue. Ayaw ipasabi eh. Hindi mo rin naman daw siya kilala," tugon ng bakla napatayo na at pinamaywangan siya. "Umalis ka na nga, panira ka ng
