Lumapit naman si Nathan para bumeso. "Mas lalo pa po kayong gumaganda. Effective po yata ang pagsu-zumba n'yo, ah?"
Humalakhak si Madamme Rosella na napahampas sa kaniyang braso. "Thank you! You too, you look gorgeously handsome."
"Kanino pa po ba ako magmamana?" Ngumiti siya saka bumaling kay Madamme Francia. "Mama Francia!" Lumapit din siya para humalik sa pisngi nito.
Pero, katulad ng maasahan sa ina ni Abby na madalas naka-poker face, tinanguan lang siya nito.
"Bakit wala si Abby?" usisa niyang napatingin sa paligid.
"She's busy, as usual. Katulad mo," may bahid ng pagtatampo ang tinig nito kaya muli siyang yumakap.
"I'm sorry, Madamme. Promise, babawi po ako."
Tinapik lang nito ang braso niya kaya bumitiw na siya at naupo sa tapat ng pahabang dining t
