NAALIMPUNGATAN ako nang maramdaman kong sunud-sunod ang pagyugyog sa balikat ko. Dahan-dahan kong iminulat ang aking mga mata at naiinis na sinigawan ko si Pauline.
''Ano bang problema mo? Natutulog pa ako eh.'' Pumihit ako ng higa at muli kong ipinikit ang aking mga mata.
"Ano ba friendship, bumangon ka nga diyan!''
Sa halip na sumagot ay dinampot ko ang unan at itinakip ko iyon sa aking dalawang tainga.
''Parang bingi lang eh! Bumangon ka na Maze! May naghahanap sa'yo sa labas.''
''Sabihin mo tulog ako!'' dumapa ako sa kama at muling ipinagpatuloy ang pagtulog.
'' Nakakainis naman 'to! Bumangon ka diyan at harapin mo 'yong makulit mong ex.''
Nang marinig ko ang salitang ex ay agad kong ibinalibag ang unan at mabilis rin akong umupo sa kama.
''Huh? Sinong ex? Ex fiance or ex boyf
