CHAPTER 22
TUMAKBO SIYA nang mas mabilis noong mapansin ang grupo ng mga kalalakihan sa kanyang likuran. May dala-dala ang mga ito na iba't-ibang uri ng pamalo. Gusto man niyang umatras ay hindi na p’wede sapagkat nasa diretso silang eskinita at walang kahit na anong malulusutan. Matataas din ang mga bakod ng kabahayan dahil likod-bahay iyon kaya hindi kayang akyatin ni Violet.
Ano ba kasing pumasok sa kokote niya at naisipan pang sundan ang magnanakaw ng libro niya? Kung sana’y pinabayaan niya lang, hindi niya ito sasapitin ngayon.
Nasa isang eskinita siya at wala manlang malikuan. Kaya naman wala siyang pagpipilian kung hindi ang tumakbo na lang. Hinahabol niya tuloy ang paghinga sa bawat paghinto.
Lumingon siyang muli at pinagmasdan ang mga hawak ng grupo. Ang iba dito a
