CHAPTER 9
LUMINGON si Pink sa paligid at pinagmasdan ang katubigan. Naalala niya ang napapanood niya sa telebisyon na bigla na lang may darating na pating at kakainin ang sakay nito. Kinakabahan siyang baka mangyari sa kanila iyon ngayon. Pumikit siya't inalog ang ulo. Ayaw niya pang mamatay nang maaga.
Halo-halo ang emosyong nararamdaman niya nang mga sandaling iyon. Nag-unahan sa pagtulo ang kanyang mga luha. Nag-aalala siya nang mapansing humihina na ang pulso ng kapatid. Bakit hindi niya ito napansin kanina?
"Ate, ano ba? Wala namang iwanan!" punong-puno na ng dugo ang telang pinambalot niya sa sugat nito kanina. "Ate, ang duga-duga mo..."
Kung siya ang papapiliin, mas gusto niya pang siya ang nasa posisyon nito ngayon upang hindi niya maranasan ang takot. Iniisip ni
