10 – To Win the Bet
Summer’s Point of View
“Kumusta ang date mo, ate?” nakangising tanong sa akin ni Lenlen nang makapasok ako sa bahay. “Nagdadalaga ka na, ha,” pang-aasar niya at mahinang tumawa.
“Anong date?” pagmamaang-maangan ko. “Hindi ‘yon date, ‘no.”
“Lalaki ba kasama mo?” tanong niya.
“Oo.”
“Tapos kayong dalawa lang?”
“Oo.”
“Oh, date nga. Kaya pala nakangiti kang pumasok ng bahay,” aniya bago lumapit sa akin at kumapit sa braso ko. “So, kayo na ba? Ilang months na kayo?”
“Tigilan mo ako, Lenlen. Walang kami,” matigas na sabi ko sa kanya. “Lumabas lang kami. ‘Yon lang ‘yon.”
“Patingin nga ng picture. Sure akong may picture kayong dalawa,” pangungulit niya.
“Wala nga,” kunwari’y naiinis kong sabi bago ko siya hinawi. “Si Mama?” pag-iiba ko ng usapan.
“Natutulog. Napunasa
