11 - Got You
Summer’s Point of View
Nakatayo ako ngayon sa labasan ng kanto papunta sa amin. Nakasuot ako ng simpleng kulay pink na long-sleeves na ipinares ko sa mahabang puting palda. Patingin-tingin ako sa paligid, hinihintay na dumating si Sir Alexander.
Mabuti na lang talaga at nakasuot ako ng mahabang palda, dahil kung hindi ay baka kanina pa ako naubos ng mga lamok.
Patingin-tingin lang ako sa cellphone ko para i-check ang oras at tingnan kung may text siya sa akin.
Maya-maya lang ay may kotseng tumigil sa harapan ko. Agad itong bumukas ang lumabas si Sir Alexander na nakasuot ng puting long sleeves na nakatupi hanggang siko niya. Nakabukas din ang unang tatlong butones nito, dahilan para sumilip ang matikas niyang dibdib.
“How long have you been waiting here?” tanong niya sa
