الدوامة الواحدة والعشرون
لن أنتقم
*إنتحت بعيدا عن مكان شقيقتها وعيناها تراقب نظراتها التي وجهتها إلى حسان لتراه يشير إليها بيده فأومأت سناء له برأسها، عقدت سهير حاجبيها وبادلت عيناها بينهما مرة أخرى ليهمس عقلها ويقول:
-شوفتي أهو الأتنين متفقين مع بعض وإنتي دلوقتي لو روحتي لحسان أكيد هيرمي كل حاجة على سناء علشان تفضلي تايهة ومش عارفة الحقيقة فين، فوقي يا سهير لأحسن يخلصوا منك ولا ينصبوا لك فخ وتلاقي نفسك شايلة كل حاجة لوحدك، بصي إنتي لازم تواجهي حسان باللي شوفتيه دلوقتي وشوفي هيقولك إيه.
*زفرت بغضب وتركت مكانها وأتجهت صوب زوجها ووقفت بجانبه وهي ترميه بنظرات الريبة والشك ثم قالت بهدوء غريب:
-هو أنت مش ملاحظ إنك بقيت بتتعامل عادي مع سناء وبقى في بينهم همسات ونظرات وحورات، ما تقولي بصراحة إيه اللي بينك وبينها يا حسان.
*أتسعت عيناه من دهشته وأخذ يمعن النظر إليها يحاول سبر أغوارها فهي تب
