‘Ano ba’ng mayroon sa gabing ‘to at pati ang lokong ito’y nagtatanong na rin?’ naisip pa ni Bop.
“Well, I’m waiting for my client right now, Martin. Bakit? Ano’ng pakay mo?” sagot naman niya sa abogadong manliligaw niya.
“Oh, it’s seldom that you have a special tour at night,” tumbok naman nito. “Naisip ko lang na baka puwede ka at sumabay na sa ‘king mag-dinner.”
Parang nakikinita pa niya ang ngiti nito kahit sa kabilang linya.
“Tsk! Para ka namang hindi makakakain kung walang kasabay,” pabirong aniya.
***
Napatingin si Junrel sa babaeng nakatalikod at may kausap sa cell phone nito. Nang tila naramdaman nito ang presensiya niya ay lumingon ito at saka napamaang nang mamukhaan siya.
“I-I got to go now, Martin. Bye!” Saka napatingin ito sa kanyang likuran kung saan nandoon ang dalaw
