Gaya ng napag-usapan, mga 2pm nagising ang dalawa at nagtungo sila sa bahay ng mag-asawang Charlotte at Denver. Naabutan nilang naglalaro ang kambal nilang inaanak na sina Nathalie at Nathalia sa bakuran ng mga ito kasama ang kanilang Lola.
"Ninangggg!" sigaw ng isa sa kambal ng makita sila.
"Ninongggg!" sigaw naman ng isa pa.
Nakangiti nila itong sinalubong ng yakap. Tumakbo kasi ang mga ito sa kanila, si Nathalia malapit kay Leslie at si Nathalie naman ay sa kanya.
Lumapit din ang Inay ni Charlotte, nagbless naman sila dito.
"Kaawaan kayo ng Diyos mga anak, saglit at tatawagin ko lang ang kaibigan mo," nakangiting sabi nito sa kanila.
"Sige po Tita, salamat po," nakangiting pasasalamat ni Leslie dito, tsaka tumalikod na ito.
"Kumusta na ang mga babies namin?" magiliw na tan
