"Beng! Beng!" sigaw ni Rod habang hawak niya ang isang laruang baril at itinututok niya sa iba't ibang direksiyon.
Wala namang tigil sa katatawa si Bokbok sa ginagawang iyon ni Rod habang nananatili pa rin siyang buhat ni Rod sa kabilang braso nito. Hindi ko naman mapigilang mapangiti sa nakikita kong saya ng bata sa kanya.
Kanina ko pa rin sila pinagmamasdan. May napapansin kasi akong mga katangian nilang dalawa na parang may pagkakahawig lalo na sa tuwing tumatawa si Bokbok. Nagiging kamukha niya si Rod.
Tsk. Hindi niya naman siguro anak si Bokbok, no? Pero kunsabagay, hindi malabong mangyari iyon dahil sa dami ng mga babaeng nagalaw niya sa lugar na ito. Pero ang tanong, nasaan na nga ba ang nanay ni Bokbok? Bakit basta na lamang niyang iniwan sa labas ng Shelter ang batang 'yan n
