23 missed calls
13 new messages
'Yan ang nakarehistro sa cellphone ko. Habang nakadapa sa kama at masayang tinitingnan ang kanina pang pagtunog nito. Naka-charge na nga at nalowbat na sa hindi ko pagsagot kanina pa.
At sa iisang tao lang naman galing lahat ng iyon.
Niko Imperial.
Sinulyapan ko ang oras sa itaas na bahagi ng hawak kong cellphone; 1:55am. Halos tatlong oras na pala siyang tumatawag at nagte-text. Puwede na sigurong sagutin kapag ganoon.
Sa muling pagtunog nito, marahan pa ang ginawa kong pagsagot sa accept button. Tinanggal ko ang charger at patihayang nahiga bago itinapat sa aking kanang tainga. Inayos ko ang boses na bedroom voice style. Boses na kunwari kagigising lang.
"Yes?" medyo 'yung irita pa ng kaunti.
"Nagising ba kita? Pasensiya na, kanina pa kasi ako t
