“PASAAN ka na naman?” tanong ni Tatay nang makita akong lumabas ng pinto at nakabihis. Isa sa mga pagbabagong nangyari nang umuwi ako ay kinakausap na ako ng tatay ko.
“M-maghahanap po ulit ng trabaho, Tay…”
Tiningnan niya ako nang may pagdududa. “Tiyakin mo lang! Kapag nalaman kong nakikipagtagpo ka sa lalakeng ‘yon, ako mismo ang papatay sa’yo!”
Umiling ako. Hindi naman talaga kami nagkikita ni Sir Ali. Mahigit isang linggo na nga mula nang umalis ako sa mansion at nami-miss ko na siya.
Nang hindi na nagsalita si Tatay ay umalis na rin ako. Ang totoo ay sa school ang punta ko. Sinunod ko ang bilin ni Sir Ali na magpatuloy ako sa pag-aaral. Naniniwala itong kaya kong gawan ng paraan na makapasok sa school at iyon naman ang pinagsisikapan ko. Kaya lang ay hindi pwedeng malaman ni Tata
