ALAS otso y medya ng gabi ako nakarating sa aming bahay. Nagpasalamat ako kay Kuya Lando sa paghahatid niya sa akin. Security guard siya pero, minsan ay nagiging driver kapag kailangan at kapag inutos ni Sir Ali katulad ngayon.
Hindi ko rin nalimutan ang bilin ni Sir Ali na dumaan sa kaniya bago umalis. Alam kong tiniyak lang niya na magpapahatid talaga ako. Sabi nga niya responsibilidad niya ang kaligtasan ko. Pero bukod doon, alam kong guilt ang nagtutulak sa kaniya para ako pagmalasakitan.
Nakapaghapunan na sila nang dumating ako. Kumain naman ako bago umalis ng mansion kaya nakipagkwentuhan na lang ako sa kanila sa aming maliit na salas.
Nasa mesa si Tatay, umiinom ng tsaa. Si Lola Pacing ay nasa tabi ko at hinahaplos ang mahaba kong buhok.
“Mabuti at pinayagan ka ng amo mo na umu
