Padabog kong sinara ang pintuan nang makapasok ako sa inuukopa naming silid ni Xolani. Syempre mag-isa lang ako dahil hindi kami magkasabay umuwi.
Naiinis kong kinuha ang cellphone sa dala kong bag at nagpadala ng text dito. Pinaalam ko na nakauwi na ako at baka bigla ay ipa-blotter akong nawawala ng lukaret na iyon.
Chineck ko rin kung nasaan na ang triplets at nag-reply sa'kin si Ava na kasama pa rin nila sina Star at Asher, nanonood na sila ng dance festival.
Kung alam ko lang na nadoon din pala sila ay sana hinanap ko sila. Hindi sana ang anak ng engkantong si Yudz ang kasama ko.
Muli kong naalala ang babaeng sumalubong sa kanya kanina kaya muling sumiklab ang panggigigil ko.
Naisipan kong sumilip sa bintana at baka sakaling matanaw ko ang pinag-iwanan ko sa mga ito. Ang malas nga
