Napatuwid ang likod ni Proserpina nang marinig ang nagmamadaling mga paghakbang sa pasilyo sa labas ng kanyang silid. Tila nagkakagulo ang mga tao sa labas. Hindi niya maintindihan kung bakit biglang hindi na siya mapakali at inalihan na rin siya ng kaba. Masama ang kutob niya. Lalo na at narinig niya ang sinabi ng lalaking nakasalamin kanina kay Hades na may aasikasuhin ang mga ito tungkol sa pagkakasangkot ng grupo nito sa isyu ng pagpapasok ng ilegal na droga sa bansa.
Kinalampag niya ang pinto. “Ano ang nangyayari riyan?” malakas ang boses niyang tanong sa dalawang nagbabantay sa labas ng kuwarto.
Hindi sumagot ang mga ito.
Eksasperado siyang napabuga ng hangin. Nababalisa siya. “Baka makatulong ako kung sasabihin n’yo lang sa akin kung ano ang nangyayari.”
Patlang.
Akala niya a
