Pagmulat ng mga mata ni Proserpina ay awtomatikong hinanap niya agad ang pamilyar na solidong pinto para lang madismaya nang maalalang pinauwi na pala siya ni Hades. Inilibot niya ang mga mata sa kabuuan ng kanyang silid at pinaraanan ng tingin ang kulay rosas na kurtina at simpleng mga kasangkapan. Totoo ngang nakabalik na siya sa kanyang apartment.
Naisubsob niya ang mukha sa mga palad. Mahapdi ang mga mata niya. Hindi siya makatulog nang nagdaang gabi at namimitak na ang araw nang hilahin siya ng antok. Tapos ngayon ay kailangan na niyang gumising dahil may klase pa siya. Kailangan pa man din niyang magpaliwanag kung bakit ilang araw siyang absent.
Tumayo siya at dumerecho na sa banyo para maligo. Habang nililinis ang katawan ay sumasagi sa gunita niya ang imahe ni Hades. Tuwing hinah
