“Palabasin n’yo ako rito! Hindi ako gumagawa lang ng kuwento, talagang pinayagan na ako ng Boss n’yo na umuwi ngayong araw!” Kuyom na kuyom ang kamao ni Proserpina na kanina pa niya ipinupukpok sa solidong pinto. Nasaan na ba kasi si Hades? Malinaw ang usapan nila. Pakakawalan na siya nito ngayon.
“Tawagin n’yo ang Boss n’yo, gusto ko siyang makausap!” hiyaw niya, nagngingitngit.
Eksasperado siyang napasalampak ng upo sa sahig nang hindi pa rin umimik ang mga taong nasa labas ng silid niya. Nang dalhan siya ng almusal ng isa sa mga tauhan ni Hades kanina ay nagulat siya nang makitang may dalawang nagbabantay sa labas ng kanyang silid.
Kumuyom ang kanyang mga kamay. Napakasinungaling ng Mafia Boss! Hindi dapat talaga siya nagtiwala rito. Tumayo siya at inihagis ang pagal na katawan pada
