"Uuwi na 'ko, Pat."
"Ha? Ano ka ba naman, Maria? Wala pa nga tayong limang minuto na nagtatagal dito. Kadarating lang natin tapos sasabihin mo uuwi ka na. Sabay tayong pumunta rito kaya sabay rin tayong uuwi," yamot na sabi ni Patricia.
"Akala ko naman kasi party ng mga kaklase natin 'tong pupuntahan natin, hindi naman pala," reklamo niya.
"Alam mo kasi mas magandang ka-bonding 'yung mga taong mas matanda sa'yo, matured ng mag-isip ang mga 'yan at may mga napatunayan na sa buhay, gaya na lang ng mga negosyante rito. Mas marami kang matutunan kapag sila ang kasama mo kaysa sa mga classmates nating mga isip bata at walang ginawa kung hindi mag-party at ipagyabang ang mga meron sila na hindi naman nila pinaghirapan dahil galing naman ang mga iyon sa bulsa ng kanilang mga magulang."
Hindi
