#انتقام_الاشباح الفصل الرابع

1798 Words

الفصل الرابع *** .......... بعد ما اخويا وجيه رجع من عند الشيخة ف*نة روح البيت بسرعة وحط ازازه المياه اللي اخدها منها علي طرابيزه التليفزيون وطلع جري علي الدور الرايع وماما شافتة وهو بيجري علي السلم خرجت وراه بسرعة ماما :: رايح فين يابني مش تطمني علمت ايه عند الست اللي كنت رايحلها وجيه:: وقف مش وقتة يا ماما الكلام ده .. اختي المفروض دلوقتي فوق... وكمل جري علي فوق ماما طلعت ورا بسرعة ودخلت الشقة تدور زي المجنونة علي اختي في الأوض .. وسمعت صوت اخويا بينده عليها ماما ياماما ماما :: ايوة يابني ايه لقيت اختك وجيه اختي هنا ياماما ماما دخلت جري وهي بتحمد ربنا وكانت المفاجئة .. اختي نايمة علي اللارض عريانة ملط وزي ما تكون في غيبوبة وضهرها عليه وشم تعبان اسود مرسوم من تحت رقبتها لغاية اخر ضهرها .. ورجليها من تحت مكتوب عليها طلاسم وكلمات غير مفهومة ماما نزلت علي الأرض وهي علي الأرض عمالة تبوس فيها وتعيط اصحي يابنتي اصحي يا حبيبتي.. وجيه اختك مالها يا وجيه .. اختك مش بترد ليه .. اصحي يا دلال .. اصحي ياقلبي وجيه نزل جري علي اوضتنا وجاب من الدولاب جلبية علشان يسترها وطلع ادا لماما الجلبية وقالها لبسيها الجلبية واندهيلي خرج وبعد شوية ماما ندهت عليه وجيه نزل ل اختة وقال لماما دلال فيها النفس اطمني وراح شايلها ونزل بيها ونيمها في اوضتنا وقال لماما انا هنزل اجيب ليها دكتور ماما قعدت جنب دلال وعمالة تبكي وتملس علي وشها وتبوسها وتكلمها يمكن تفوق وجيه نزل جاب دكتور وجه .. الدكتور دخل وكشف عليها وبعدين طلب من اخويا ينزل يجبله ادويه من الصيدلية ومحلول وجيه نزل والدكتور اتكلم مع ماما علشان يفهم منها الحالة اللي جاتلها دي سببها ايه ماما :: طمني يادكتور علي بنتي هي عايشة الدكتور :: اه يامدام بنتك عايشة بس اللي عندها ده حصل نتيجة صدمة عصبية ... يعني حد فرحها زيادة عن اللزوم او زعلت زيادة عن اللزوم ماما :: ايوة فعلا فيه شوية مشاكل كدة الدكتور :: لا مينفعش خالص الفترة اللي جاية دي لازم تبعدوها عن اي مشاحنات او خلافات احنا عايزينها تقوم بالسلامة وجيه رجع وجاب العلاج والحقن والمحاليل وعلقهم لأختي وادها حقنة شوية اختي بدأت تتحرك وتفوق وماما اول ماحست بيها قامت وقفت وفضلت باصة ومشبكة ايدها في بعض اختي فتحت عنيها وبقت عمالة تبص علينا وتبص علي السقف ومنطقتش كل ده الدكتور قاعد ومستني ولما فاقت قامت كلمها لكن اختي كانت زي ما تكون في عالم تاني لا حاسة باللي موجدين ولا عارفة هي فين .. ولا بتتكلم بعد ما المحلول خلص الدكتور مشي وقال ل اخويا بعد اسبوع تجيلي بأختك العيادة ولو فيه اي حاجة الرقم بتاعي مكتوب في الروشتة الدكتور مشي واخويا اخد ازازة المية من علي الطرابيزه وبقي بيرش علي كل عتبة شقة وكل ركن في اركان الشقة وبعدين راح متصل عليا اخويا :: الو ايوة يا صفاء انا :: ايوة يا وجيه روحت للشيخة اللي قالك عليها الراجل اخويا :: ايوة رحت ولقينا اختك انا :: احلف .. بتتكلم بجد وعنينا دمعت من الفرحة مدام نشوي صاحبة الكوافير اول ما شاف*ني بعيط وبقول ل اخويا احلف سألتني في حاجة عرفتوها علي اختك يا صفاء انا :: لقينا اختي يا مدام لقينا اختي مدام نشوي :: طب الحمد لله ... طقم ساقع لكل المحل علي حسابي اخويا :: ياريت تيجي ساعتين بدري من الشغل علشان عايزك انا :: لا انا هاجي حالا استأذنت مدام نشوي ومشيت روحت البيت لقيت اخويا قاعد في الصالة انا :: امال اختك فين؟ وجيه :: اختك جوه في الأوضة دخلت جري لقيت امي قاعده جنب منها علي السرير ووخدها في حضنها ودلال مفتحة عينيها . روحت اخدت اختي في حضني وسألتها كنتي فين ياحبيبتي خ*فتي قلوبنا معاكي لكن دلال ولا كأنها سمعاني .. سألت ماما اللي حكت ليا كل حاجة من ساعة ما لقوها شوية اخويا دخل وقالي اعملي حسابك هنروح انا وانتي لدكتورة نساء ماما :: ليه تاني مش كشفنا واطمنا وجيه :: لا ياماما هنكشف عند دكتورة تانية.. ونسيت اقولكم .. محدش يدخل الحمام بعد الساعة 12 ماما :: ليه انا :: كلام الشيخة ف*نة كدة اختي :: يعني انا لو بطني وجعتني ولا حسيت نفسي مذنوقة هروح فين وجيه :: ابقي اعملي حسابك قبلها .. خلينا نعدي الأيام الزفت دي علي خير بعد ساعة اخويا قالي يلا بينا علشان نروح للدكتورة دخلت غيرت هدومي ولبست هدوم نضيفة ومشيت مع اخويا وكنت مطمنة اني مفييش حاجة وهطلع من هناك رافعة راسي دخلنا العياده واخويا حجز كشف وقعدنا منتظرين دوري في الدخول بعد ساعة انتظار جه دورنا دخلنا واخويا اتكلم مع الدكتور علي جنب وبعدين الدكتورة قالتلي اتفضلي اطلعي علي السرير ** وطلعت نمت عالسرير والدكتورة جت وكشفت عليا وكانت كلماتها اللي نزلت زي الرعد علي نفوخي للأسف تهتك غشاء البكارة .. اختك مدام ... كلماتها خلت الدنيا لفت بيا ومحستش بالدنيا ووقعت من طولي وفوقت لقيت نفسي نايمة علي سرير في اوضة تانية في العياده بعد ما فوقت وحسيت بنفسي وافتكرت كلام الدكتورة انهرت من العياط اخويا اخدني وروحني وامي لما شافت عنيا اللي ورمت من العياط راحت ضاربة بأيدها علي ص*رها اخويا :: الشيخة ف*نة عندها حق والدكتورة اللي روحنالها منهم عدي يومين واختي دلال زي ماهي متحسنتش خالص علي العلاج وانا من يوم ماعرفت اني مش بنت وانا قافلة علي نفسي والدنيا مسودة في وشي تليفون اخويا رن وجيه :: الو :: الو وجيه اعمل حسابك كمان ساعتين هبقي عندك في البيت وجيه :: مين معايا ؟ :: انا الشيخة ف*نة وراحت قافلة اخويا وقف متنح .. ايه الولية دي .. بعد ساعتين حاسينا كلنا بحالة غريبة في البيت صوت صفير شديد يشبه صفير الصحراء والشبابيك كلها اتفتحت واختي دلال جالها حالة هياج وبقت عمالة تصرخ وت**ر في الأوضة اخويا دخل بسرعة شل حركتها واتملك فيها وكلنا بقي جوانا حالة رعب مش عارفين ايه اللي بيحصل كنا في كابوس ... كابوس مرعب الباب خبط والهدوء مرة واحدة عم المكان واختي هديت وقعدت علي السرير وضمت رجليها علي ص*رها وكان الخوف والترقب في عيونها امي قامت فتحت الباب وكانت قدامها الشيخة ف*نة ... امي اول ما شافتها محبتهاش وحسة بخوف منها الشيخة ف*نة :: ابنك المسكين فين امي :: ابني وجيه ؟ انتي الشيخة ف*نة؟ الشيخة ف*نة :: اندهيلة من عند اختة.. هي مش هتتحرك من مكانها ماما راحت ندهت لوجيه اللي جالها ورحب بيها وقالها اتفضلي الشيخة فانة :: فين الأزازه اللي ادتهالك وجيه :: جوا علي الطرابيزه الشيخة :: تدخل تجبها وتجيب الجلبية اللي امك كانت لابساها يوم المياه المغلية وتفرشها قدام عتبة الباب وتدلق عليها شوية مياه من الزجاجة وتسمحلي بالدخول والتصرف وامر الجان والتحكم فيهم بما انك شريكهم في السكن ماما دخلت جابت الجلبية واخويا جاب الأزازة وفرش الجلبية قدام العتبة ودلق عليها المياه وسمح ل الشيخة ف*نة بالدخول والتصرف والتحكم في الجان الشيخة ف*نة داست برجليها علي جلبية ماما ودخلت الأوضة الشيخة ف*نة :: بصت علي ساعة الحيط وقالت لسة بدري وبصت علي كل اركان البيت وبصت علي الحمام فضلت مركزه علي الباب وكأنها شايفة حاجة ... شوية قالت مين اللي قتل التعبان ؟ وجيه لون وشة اتغير وقال انا انا اللي قتلتة الشيخة ف*نة :: مسكين ياغلبان .. الشيخة ف*نة :: اللي كان لابسة جلبية وفي ايده سكين ؟ انا :: ده بواب العمارة اللي جنبنا كان فاكرة ان فيه حرامي في بيتنا الشيخة ف*نة :: المقدر والمكتوب مكتوب ومفيش منة هروب ... هيموت انا :: يالهوووووي قومي يا صباح ادخلي الأوضة واطفي النور عليكي... وانتي يا صفاء .. اطفي النور علي اختك وتعالي كنت هتجنن الست دي مخاوي جن ولا ايه .. دي مفيش حاجة متعرفهاش دخلت طفيت النور علي اختي وقفلت الباب ورجعت الشيخة ف*نة وقفت في نص الصالة ورفعت صباعها وبقت تتمتم بكلام غير مفهوم حسيت ان جسمي كلة قشعر. واخويا قاعد ساكت بيراقبها الشيخة ف*نة :: اطفوا انوار البيت كلة اخويا قام طفي المدخل والسلالم وبعدين طلع طفي كل انوار الشقة وجه قعد جنبي وانا مسكت في ايده خايفة صوت الشيخة ف*نة بدأ يعلي وصوت مياه مفتوحة وخبط ورزع بدأ يخرج من الحمام الشيخة ف*نة :: اخرج من غير اذيه .. اخرج ياصفوان انت وعشيرتك الشبابيك اتفتحت والأبواب كلها اتفتحت واختي جوا بدأت تصرخ وتشد في شعرها ف*نة :: اخرج والا هحرقك وهحرق عشيرتك... انا مش جاية ل اذيه .. انا ماده ايدي بالسلام .. ورجعت تتكلم بلغة غير مفهومة صوت تخين وحاد خارج من الحمام مش عارفة بيقول ايه ولا بيتكلم اي لغة بس اللي فهمتة انة رافض الخروج جسم الشيخة ف*نة اترفع لفوق بقوة اكبر من قوتها وكانت بتقاوم ض*بات قلبي ذادت وحسيت بأنسحاب روحي ومفيش هواء بيدخل ص*ري وماسكة في ايد اخويا اللي كان ماسكني هو كمان وخايف عليا الأوض كلها ولعت نار.. جريت علشان الحق امي لكن قوه رهيبة رفعتني وحدف*ني علي الحيطة النار بقت في كل الأوض وفي الحمام وامي واختي بيصرخوا الشيخة ف*نة بترد علي الجان بقوه مش اقل من قوتهم وكانت بتأمرهم بالخروج ومع مرور الدقايق الشيخة ف*نة قدرت بقوتها تسيطر مرة تانية علي الجن وقدرت تتحكم في النار وتهديها والصوت بدأ يبعد ويتلاشي الشيخة ف*ني امرت امي بالخروج من الأوضة وبعدين راحت دخلت الأوضة علي اختي وحطت ايدها علي جبينها وبدأت تقرا بكلامها اختي بدأت تتلوي واخويا حاول يكتفها لكن الشيخة ف*نة امرتة بالبعد وعدم لمس جسمها والا هيتأذي التعبان اللي في ضهر اختي بدأ يحمر وينزف دم والكلام اللي علي رجليها بدأ يتغير والشيخة ف*نة عيونها اسودت بقت زي الفحم وعروق ايدها ووشها برزت جسم اختي بقي بيترفع لفوق و ينزل يهبد علي السرير والشيخة ف*نة بتقرا بسرعة لغاية ما ريم ابيض خرج من بوق اختي وسيل دم خارج من بين فخادها وجسمها بيتنفض بيتنفض لغاية ما هديت وجسمها وقف عن الحركة الشيخة ف*نة قامت وقالت الجان رافض الخروج انا كل اللي قدرت عليه دلوقت اخرجة من جسم اختكم لكنة محملني رسالة ابلغها ليكم كلنا في نفس واحد رسالة ؟ رسالة ايه الجن عايز طلبات علشان يسبكم اخويا :: طلبات ايه معرفش ليه افتكرت شغل الدجل اللي بشوفة في الأفلام وقولت هتطلب د*ك معرفش يكون لونة ايه والكلام اللي كلة نصب في نصب الشيخة ف*نة :: صفاء اخرجي برا انا :: حاضر الشيخة ف*نة :: ابقي هاتي الد*ك وادبحيه وكليه .. خدي بالك من افكارك في حضوري سمعت الكلام وحسيت ان برج من دماغي هيطير ... دي سمعت اللي بفكر فيه الشيخة ف*نة ل اخويا .. اول طلب واحدة من اخواتك البنات تشيل وجيه :: تشيل ايه ؟؟ الشيخة ف*نة :: تحمل من الجان صفوان اخويا قام وراح مزعق انتي بتقولي ايه انتي مجنونة الشيخة ف*نة :: انا هعذرك ومش هأذيك .. خد بالك من كلامك في حضوري... ومتقاطعنيش وانا بتكلم علشان لو حصل هتتأذي الحمل ده تعويض علي الصغير اللي دبحتة بأيدك واللي قبلها اختك حرقتة ومش بس كده ده الجان صفوان الحمل ده تعويض علي الصغير اللي دبحتة بأيدك واللي قبلها اختك حرقتة ومش بس كده ده الجان صفوان هيستعبد اخواتك ال اتنين لمده تسع شهور متواصلين حتي لو واحدة فيهم حملت هتفضل معاة المدة كلها الطلب التاني :: امك تبقي عبده ليهم بردو تسعة اشهر كاملين وانت :: هتخدم اخت الجان صفوان وهتبقي عبد ليها بعد نهاية المدة هتعرضوا البيت للبيع وتسبوه وتمشوا كلامي خلص ... افتحلي طريق خليني امشي ... سكتي طويلة الشيخة ف*نة مشيت وعلي باب الشقة وقفت وقالت ... الجان سايبين ليكم مده شهر تقررو فيها ... وخد بالك سيبان البيت قبل تنفيذ شروطهم معناها موتكم ...............

Free reading for new users

Scan code to download app

App Store Google Play

Facebookexpand_more