#انتقام_الاشباح الفصل الثالث

1723 Words

الفصل الثالث ***** **** مالك يابت واقفة كدة ومبحلقة في الحمام... كان صوت اخويا وجيه اخدت نفس وانا حاطة ايدي علي ص*ري ومش قادرة اتكلم وحاسة ض*بات قلبي هتخلع ص*ري البيت ده مسكون يا وجيه البيت ده مسكون وجيه بضحكة طويلة .. مسكون ايه بقي عفاريت ولا جن .. روحي نامي وبطلي جنان انا :: انا مش مجنونة ولا بيتهيئلي يا وجيه في حاجة في البيت ده والتعبان اللي قتلتة ده مش تعبان لسة مخلصتش الكلمة والنور راح قاطع روحت مصرخة بعلو صوتي واخويا راح وخدني في حضنة وقالي متخفيش تعالي ادخلك اوضتك ونامي دخلت الأوضة مع وجيه اخويا وبعد ما اطمن عليا راح خارج هو خرج من هنا والنور راح راجع ... اتجننت اكتر .. اصلا الأوضة النور بتاعها كان مطفي قبل ما النور ما يقطع نمت واخدت اختي في حضني وانا خايفة وحاسة ان العفريت في كل مكان تاني يوم واحنا بنفطر بقول ل ماما علي اللي حصل بالليل وانا بضحك علي نفسي وبقولها لولا اخويا كان زماني ميتة بالسكتة القلبية وحكيت اللي حصل ولقيت وجيه عمال يبصلي جامد انا :: مالك ياعم بتبصلي كدة ليه وجيه :: انتي شكلك كنتي نايمة من غير غطا ... انا امبارح شفتك في الصالة وكلمتك وكمان النور قطع و دخلتك الأوضة ؟؟؟ انا :: ايوة يا وجيه وجيه :: انا امبارح حطيت راسي علي المخده ومقومتش غير الصبح انا لا قومت ولا شفتك ولا اي حاجة من دي حصلت انا:: انت عايز تخوفني صح ؟ .. بصيت لماما ول اختي واقسمت بالله كل اللي حكيتة ده حصل وانه مكنش بيتهيئلي ماما :: من ساعة موضوع التعبان اللي لقيناه في الحمام وانتي اعصابك مش مظبوطة وتشوفي حاجات مش بتحصل انا :: ماشي انا اعصابي تعبانة طب واللي حصل ل اختي وشفتة بعنيا دلال :: ايه اللي حصلي ما الدكتورة قالت بنفسها ان اللي كان عندي نزيف بسبب التهابات في الرحم واخدت العلاج وبقيت كويسة ماما :: يابنتي كل اللي في دماغك ده اوهام .. مش علي يدك انا جبت شيوخ قبل ما نسكن في البيت لما لقيتكم انتي واختك خايفين تيجوا تسكونوا هنا يابنتي انا بسبب اوهامك كان هيجيلي جلطة وصدقت ان اختك شرفها راح انا :: انا مش مجنونة واللي بيحصل ده سببة التعبان اللي اتقتل انا متأكدة وجيه :: لو كلامك صح .. المفروض انتقامهم هيكون مني انا ... انا اللي قتلتة اختي قعدت من الشغل ومبقتش عايزة تشتغل وبقت اغلب الوقت مش بتتكلم مع حد وقاعدة في حالها وكل ما حد يسألها ايه اللي مضايقك كانت تقول ذهقانة او مخنوقة وحاولت انا وامها نخليها ترجع الشغل بتاعها لكنها رفضت وقالت مش هتنزل الشغل تاني قولنا يمكن الدكتور مضايقها ونشوف ليها شغل في اي مكان تاني او حتي تنزل الكوافير معايا لكن هي رفضت وقالت انا مش هنزل من البيت دلال بقت متعلقة جدا بأوضتنا ومش بتخرج غير يا علشان تاكل او تدخل الحمام مع مرور الايام بقيت بحس بحد نايم جنب مني و بيحسس علي جسمي وبقيت اقوم مفزوعة واجري من الأوضة وانا بصرخ وبعيط بعد اسبوع لما ماما واخويا حسوا بخوفي الشديد والرعب اللي بقيت عايشة فيه ماما قالت ل اخويا اختك عايزة تروح لدكتور نفسي يشوف عندها ايه انا مش ناقصة البت تروح مني وجيه :: انتي عارفة دكتور نفسي يعني ايه يعني فضيحة لينا دلال سمعت ماما واخويا وصرخت فيهم دكتور نفسي لا اختي مش مريضة اختي عندها حق وانهارت بالعياط ماما واخويا حاولوا يعرفوا منها فيه ايه وايه اللي بتشوفوا لكنها رفضت تتكلم معاهم في الوقت ده انا كنت في الشغل ولما روحت بالليل وبعد ما اتعشينا دخلت علشان انام وانا ممدده علي السرير لقيت اختي دلال بتقولي صفاء انا عايزه احكيلك علي حاجة بتحصل معايا كل يوم انا :: حاجة ايه يا دلال .. احكيلي دلال :: بس وحيات رحمة بابا عندك اللي هقولوا ده ما تحكيه لماما ولا لوجيه اخويا انا :: احكي وحيات رحمة بابا ما هحكي لحد دلال :: انا في حد كل يوم بيمارس معايا الجنس .. انا :: يخرب بيتك حد مين ؟ اوعي يكون اللي في بالي وروحت بصيت شمال ويمين دلال :: ايوة هو يا صفاء هو... اسمة صفوان امير من امراء الجن السفلي انا :: يعني انا مكنتش بتخيل يوم النزيف اللي جالك دلال :: ايوة مكنتيش بتتخيلي وهو يومها مكنش ظاهر ليا بوشة انا كنت حاسة بيه زي ما انا حاسة ييكي دلوقت بس بعدين ظهر ليا بوشة الحقيقي وبعدها طلعلي بوش وجسم انسان عادي زينا... انا :: يعني اللي طلعلي وكلمني يوم ما النور قطع مكنش اخويا فعلا وكان هو صفوان ده دلال :: هما مش واحد اللي معانا في البيت انا :: ياااااامااااا ... امال كام دلال :: هما اكتر من جن وجنية وساكنين البيت ده ومهران اللي كان واخد البيت من بابا هو اللي كان مسخرهم وكانوا مجبرين علي اطاعة اومره. ولما عرف اننا **بنا القضية حررهم وخلاهم يتحركوا في البيت زي ماهما عازين ووجودنا في البيت مضايقهم مره واحده الشباك اتفتح والأزاز بتاعة ات**ر و اختي سكتت وبرقت وجسمها كلة اتخشب وعنيها كلها بقت اسود في اسود وانا عمالة اصرخ محدش سامعني ولقيت نفسي محبوسة في دايره بتتحرك بيا زي ماتكون دايرة من نار.. والنور بتاع الأوضة بقي بيضعف بيضعف لغاية ما الأوضة بقت ضلمة. وفيه اضائة خفيفة يدوب مبينة وراك اختي وظهر جسم وحش راسة شبه راس الكلب له نياب بارزه وعيونة كلها سودا وودانة ودان حمار بس سودا جدا وجسمة مليان شعر كثيف وفيه اتب كبير في ضهره وراح ملتفت وباصصلي وهو بيضحك وبعدين اختفي اختي عمالة تتلوي وجسمها كلة بيروح وبيجي ومحستش بأي حاجة بعدها وغبت عن الوعي نهائي قومت عالساعة 2 بالليل و جسمي كلة وجعني بصيت علي اختي دلال لقيتها نايمة علي جنبها وعينها مفتحة انا :: دلال .. دلال يابت يا دلال دلال :: نعم يا صفاء انا :: مش بتردي عليا ليه دلال:: جسمي كلة سايب ومش قادرة اتكلم انا :: هو اللي بتقولي عليه ده شكلة زي الوحوش كدة يعني جسمه جسم وحش وراسه راس كلب له نياب بارزه وعيونة كلها سودا وودانة ودان حمار بس سودا جدا وجسمة مليان شعر كثيف وفيه اتب كبير في ضهره دلال هزت دماغها ب ايوة انا :: انا شفتة واخدت اختي في حضني وبقيت عمالة اعيط انا :: هو كل يوم بيعمل فيكي اللي بيعملة دلال :: هزت دماغها بأيوة وقالتلي عايزه تشوفي بيعملي فيا ايه انا :: اشوف ؟ ازاي .. مش فاهمة راحت واخدة ايدي واخدتها في ايدها وحطت ايدها علي وشي وقالت هو نايم ورايا دلوقت وحضني... بصيت وراها وانا خايفة ودوست بأيدي علي ايد اختي دلال :: متخفيش مش هيأذيكي وراحت حطت ايدها علي عنينا والدنيا اسودت وشفت دواير دواير دواير بتلف بتلف وانا في الضلمة بلف مع الدواير وبقيت بتسحب لتحت زي ما اكون واقعة في حفرة كبيره لغاية ما وصلت الأوضة بتاعتي. بس انا مش انا .. انا اتحولت ل دلال اختي .. جسمي بقي جسمها .. شكلي بقي شكلها لابسة قميص نوم ابيض مقطع وشعري سايب علي وشي وقاعدة عالسرير حزينة ودموعي بتنزل دم من عيوني ولقيت ايد بتتمد ليا وبتاخدني لتحت الأرض ووصلت بيا لقصر قديم اوراق الشجر في كل مكان .. قصر كل ابوابة م**ره وشبابيكة حديد دخلنا القصر لقيناه من جوا قصر فخم جدا مفروش والأضاءات والسجاد مغطي الأرض طلعني ادوار كتير وكل دور فيه فيه ناس لابسين اجمل الملابس بس الوشوش مش زينا وشوش مش عارفة احدد ملامحها وكلهم بيبصوا عليا معرفش طلعت كام دور ولقيت نفسي داخلة اوضة فيها سرير كبيررررر مفروش بالورود الحمرا فجاة فوقت ولقيت اختي اللي كانت نايمة جنب مني بتضحك بصوت عالي ووشها بدأ ملامحة تتغير واتحولت للجن اللي كان معايا في الحلم واختفي فضلت اصرخ لغاية ما اخويا وامي بقوا جوا الأوضة وامي اول ما شافت الدم مغرقني صرخت واخويا بقي زي المجنون وامي اخدت بالها ان دلال مش موجودة... صرخت فيا فين اختك فين اختك .. ل**ني اتربط ومبقتش قادرة اتكلم في اللحظة دي بس اخويا وامي اتأكدو ان البيت فيه جان وعرفوا ان اختي اختفت اخويا دور في البيت كلة علي اختي دلال لكن مكنش ليها اي اثر وامي طول الليل عمالة تبكي علي بنتها اللي شرفها ضاع وبنتها اللي مش لاقيها فضلنا اسبوع ندور علي دلال اختي واخويا لف علي كل المشايخ اللي جت البيت علشان يطلعوا الجان من البيت لغاية ما واحد زبون عند اخويا في الورشة لما سمع منة ان فيه جان ساكن في البيت قالة فيه واحدة ست في بلد اسمها طموه تبع الحوامدية اسمها ف*نة دي مخاوية وليها سلطة علي كبير الجن السفلي وهي الوحيده اللي هتقدر عليها وهترجعلك اختك اخويا مكدبش خبر وتاني يوم قفل الورشة بتاعتة وسافر طموه وسأل هناك عن الشيخة ف*نة والف واحد هناك دلة علي مكانها اخويا وصل البيت بتاع الشيخة ف*نة وهناك لقي ناس من كل البلاد جايين ليها وكلة عشمان في انها تخلصة من البلاوي اللي عنده الشيخة ف*نة طلبتة بالأسم برغم ان مقولش اسمه لحد وهناك محدش يعرفه جاله الخادم بتاعها وقاله قوم يا وجيه كلم الشيخة ف*نة وجيه قام وراح مع الخادم وعلي باب اوضة الشيخة ف*نة الخادم قالي لغاية هنا وغير مسموحلي اخطي ادخل انت واول ما تدخل ترمي السلام علي كل اللي في الأوضة وتظهر ضعفك وان**ارك واياك ترفع صوتك او راسك وجيه دخل وعمل كل اللي قاله الخادم عليه الشيخة ف*نة :: اقعد يا وجيه يابن صباح وجيه :: حس بالرعب جواه والخوف .. مين دي االي تعرف عنة كل حاجة وهي لسة شيفاه حالا الشيخة ف*نة :: متسألش كتير ومتتكلمش بينك وبينك نفسك في حضوري .. انت مشكلتك كبيرة والسبب امك صباح.. وجودكم في البداية كان غير مرغوب بس دلوقت بقي قدر ومافيه منه هروب لو سبتوا البيت هتموتوا لان بقي فيه طار بينكم وبين الجان صفوان وجيه :: طار ... طار ايه وليه امي السبب فيه امك طلبت من اختك دلال مش اختك اسمها دلال بردو وجيه :: ايوه الشيخة ف*نة :: امك طلبت مياه سخنة بتغلي تدخل الحمام والحمام اصلة بيت الجان .. اختك دخلت بالمياه المغليه وقعت والمياه حرقت الصغير وجيه :: انا مش فاهم صغير مين الشيخة ف*نة :: ابن الجان صفوان ودلوقت الأنتقام من امك بيبدأ من اخواتك البنات والدور جاي عليك وعليها وجيه :: طب الحل ايه ساعديني ؟ الشيخة ف*نة :: اختك دلال مبقتش بنت واختك صفاء مبقتش بنت وجيه :: لا احنا اخدناهم والدكتورة قالت دي مجرد التهابات الشيخة :: وانت تعرف منين ان اللي انتوا روحتولها دي مش جان وقالت ليكم كلام في كلام اخويا ض*ب كف علي كف وبدا يزعق طب الحل ايه الشيخة ف*نة صرخت فيه وقالت له التزم الأدب في حضوري روح هتلاقي اختك في اخر دور في البيت ومتدخلوش الحمام بعد الساعة 12 بالليل وانا هجيلكم كمان يومين وخد الأزازة دي ادلق منها علي كل عتبة من عتبات الشقق وفي كل ركن في الشقة المهم متقولش لامك علي اللي قولتة ليك وجيه خد الزجاجة من الشيخة ف*نة وجه يديها فلوس صرخت فيه وقالت انت مسكين خلي فلوسك ليك *************

Free reading for new users

Scan code to download app

App Store Google Play

Facebookexpand_more