#انتقام_الاشباح الفصل السادس

1241 Words

الفصل السادس ******* دخلت الأوضة لقيت دلال اختي نايمة عالسرير ومق*فصة رجليها في بطنها نايمة زي الأطفال الصغيرة وصاحيه مش نايمة وعينها مرغرغة بالدموع اول ما دخلت راحت ماسحة دموعها انا :: ايه يابنتي مالك في حاجة حصلت ... حد ضايقك دلال :: لا مفيش بس تعبانة شوية انا :: تعبانة ؟ في حاجة بتوجعك يعني دلال :: لا مفيش بس نفسيتي تعبانة شوية انا :: طب قومي اتعشي معايا دلال :: لا مليش نفس انا :: لا مش هينفع .. قومي علشان خاطر حتي مامتك اللي زعلانة عليكي بره دلال قامت وانا غيرت هدومي وبعدين خرجنا علشان نتعشي لقيت ماما بتزعق بصوت عالي بيس بيس غوري روحت دخلت المطبخ اشوف فيه ايه لقيت ماما ماسكة عصايه وفيه قطة سودا اووووي واقفة علي رخامة المطبخ وبتاكل في طبق اللحمة اول ما شوفت القطة حسيت ان جسمي قشعر وشعري راسي نمل تنميلة خفيفة والقطة نظراتها لينا كانت تخوف قومت مسكت ماما من ايدها وقولت ليها متئزيهاش دي مش قطة ماما :: انا مش عارفة دي جت منين اصلا انا قافلة باب الشقة علي طول انا :: ياماما دي مش قطة.. دي حد منهم خرجت من المطبخ وحلفت ما انا متعشية واخويا لما عرف جري علي المطبخ وكانت المفاجئة .. القطة مش موجوده والأكل زي ما هو ماحدش لمسة ماما :: سخنت الأكل وهي خايفة ومرعوبة وانا فضلت واقفة معاها في المطبخ علشان خايفة يحصل ليها اي حاجة بعد ما ماما عملت الأكل واتعشيت علشان خاطر اختي تتعشي معايا سمعت صوت قطط جاي من برا الشقة عمالين يتخانقوا مع بعض الصوت كان رهيب اخويا :: قام فتح باب الشقة علشان يمشي القطط من قدام الباب .. اول ما فتح الباب وبص برا مكنش فيه اي قطط برا عرفت ان الجان بدا في تخوفينا من تاني والضغط علينا علشان نوافق علي شروطهم وطلباتهم دخلت انا واختي ننام... كانت ليلة سودا كل شوية المح نفس القطة اللي كانت في المطبخ واقفة علي سور البلكونة وترجع تختفي .. ليلة رعب وخوف والغريب ان اختي مش حاسة ولا شايفة القطة . قولت يمكن انا موهومة ولا بتخيل بسبب خوفي لما شفتها في المطبخ تاني يوم وانا شغالة في الكوافير والمحل مليان زباين كان الوقت ساعتها تقريبا الساعة 7 بالليل خرجت اجيب فوطة من برا النور قطع في الشارع كلة لمحت العجوزه ماشية قدام المحل مسنوده علي عصاية وقفت مستغربة ايه اللي جاب الست دي هنا وفين الرضيع اللي كان معاها بصت عليا وقالت مستنياكي في نفس المكان ونفس الميعاد ... والنور جه والست اختفت دماغي بدأت تلف وتدور وحسيت اني في كابوس مش قادره اطلع منة والكابوس كل ما بيذيد في رعبة مدام نشوي خرجت شاف*ني واقفة جنب حمالة الفوط وحاطة ايدي علي دماغي مدام نشوي :: مالك ياصفاء ؟ انتي تعبانة ولا حاجة انا :: لا لا مفيش بس حسيت نفسي دايخة شوية مدام نشوي :: طب لو حاسة نفسك مش هتقدري تكملي شغل روحي انا :: لا لا خلاص بقيت كويسة دخلت كملت شغلي وانا عمالة افكر مين الست دي وايه حكايتها ... وافتكرت كلامها عن اختي .. ومين اللي اتملكوا منها ... هل هي تعرف بموضوع الجان .. طب هي مين وايه اللي تعرفة عنهم وعننا .. لازم اروح ليها وافهم منها ايه حكايتها مدام نشوي :: يابنتي انتي تعبانة انا :: لا لا كويسة مدام نشوي :: كويسة ايه انتي مش حاسة بنفسك .. انتي بتكلمي نفسك انا :: معلش سرحت في حاجة مدام نشوي :: طب معلش ريحي نص ساعة كدة وانا هكمل شغل بدالك قعدت شوية وبعدين قومت كملت الشغل الساعة 10 بالليل مدام نشوي قالتلي يلا دخلي الفوط وطفي الانوار واقفلي المحل وانا هروح اشتري شوية حاجات علي ماتقفلي المحل انتي قفلت المحل ومشيت روحت علي نفس المكان اللي فيه الست العجوزه لقيتها قاعده نفس قاعدتها اللي مبتتغيرش والرضيع علي الأرض بس المرة دي مش بيعيط روحت ليها انا :: السلام عليكم العجوزه :: سلام ... فين السلام انا :: انتي مين ؟ وايه حكايتك العجوز :: الحقي اختك قبل ما اللي شايله يكبر فيها وساعتها كل شئ هيكون محال انا :: اختي شايلة ايه ...انا مش فهماكي وانتي تعرفي اختي منين العجوزه :: عايزه تعرفي .. المعرفه ممكن تأذيكي والأمل ممكن يكون محال انا :: والجهل صعب اتحملة ودماغي فيها 100سؤال وسؤال انتي مين وحكايتك ايه .. وتعرفينا منين العجوز :: هجاوبك بس بشروطي ولازم اللي هيتقال يفضل جواكي ميتقلش في البيت الملعون انا :: البيت الملعون ؟ العجوز :: مسكت ايدي وقالتلي تعالي معايا حسيت اني عبرت الزمان وروحت لزمان تاني غير زماني وشفت نفسي ماشية معاها وسط القبور فضلنا ماشين والقبور بتتفتح وبيخرج منها جان اشكال والوان كنت خايفة ومرعوبة وايدي ماسكة في ايد العجوز اللي كنت حاسة اني احساسي اتبدل من خوف منها ل تشبت بيها واحساسي انها طوق منجاتي من العالم اللي بقيت فيه وصلنا لغايه بيت مهجور مبني بالطوب في وسط القبور دخلنا البيت اللي كان شبه الخرابة من جوا وبقينا بنمشي جوا لغاية ما صلنا ل سلالم نزلنا وكانت السلالم طويلة من الخشب القديم وسلالمة م**وره فضلت نازلة والضباب بقي مخليني مش شايفة قدامي لغاية ما لقيت نفسي في اوضة مكتوب علي جدرانها اسامي بتنزف دم واصوات صراخ وعويل بيخرج من الحيطة واشكال ناس بتتعذب بتظهر علي الحيطان العجوز :: دول ضحياهم واروحهم المتعلقة و اللي منتظره الخلاص انا::مين دول و ضحايا مين ...وانا ايه علاقتي بيهم وخلاص ايه العجوزه :: ضحايا ملك ملوك الجان صفوان ... اشرس واعنف ملوك الجان جان خاين ملوش وعد وملوش امان ونهايتكم محتومة ومصيركم هنا انا :: اشمعني احنا ... ليه اختارنا العجوز :: علشان انتوا روحتوا برجليكم لبوابة مملكتة. وقتلتم ابنة البيت الملعون هو بوابة المملكة وانتوا شاركتوه في حق مش من حقكم ومش بس كده ... انتوا حرقتو ابنة وقتلتوه انا :: البيت بتاعنا مش بتاعة واحنا مكناش نعرف انهم ساكنينة ولو كنا نعرف مكناش هنسكن فيه اصلا ولا كنا عايزينة من الأساس العجوز :: ده مقدر ليكم ومكتوب وهما كانوا في انتظاركم من سنين ... تفتكري كنتوا هتقدروا تغيرو المقدر والمكتوب انا :: انتي مين ؟ وليه ظهرتي ليا دلوقت طالما عقابنا محتوم ومصيرنا المكان هنا العجوز :: الأمل هو اللي طلعني .. وحرر روحي علشان اساعدكم ونخلص نفسنا ونخلصلكم ونخلص ناس غيركم ممكن يكون مصيرهم زي مصيرنا ومصيركم من ا****ة وانتقام الأشباح انا :: يعني انتي روح ... مش حقيقي العجوزه :: انا روح لكني اقدر اعمل اللي انتي متعرفيش تعمليه ولا الجنية ف*نة تقدر تعملة انا :: نعم هي الشيخة ف*نة منهم ؟ جنية العجوزه :: ف*نة زوجة الملك صفوان انا لغاية هنا مقدرش اتكلم في اي اسرار تانية... خدي الأزازة دي واسقي اختك دلال منها الليلة قبل طلوع الشمس علشان اللي في بطنها ميبقاش له وجود انا :: هي اختي حامل الشيخة :: اختك بعد 3 ليالي هتبقي حامل ولازم تشرب الليلة من الأزازة دي ومسكت ايدي وحسيت برعشة في جسمي وسافرت مرة تانية عبر حاجز زمني ... فتحت عيني لقيت نفسي كأني كنت بحلم والعجوزه في مكانها والطفل جنب منها ع الأرض وبيصرخ وايدي فيها الزجاجة بصيت عليها وهي باصة علي الأرض قالت .. خدي بالك اي كلام هيتقال في البيت عن اللي قولتهولك ... انسي وجودي وانسي الأمل اخدت الأزازة وحطيتها في شنطتي وروحت البيت واول ما وصلت البيت السلم كان ضلمة كحل والسلم كان واقفه عليه نفس القطة السودا بتبصلي بنظرات حاده طلعت جري عالسلم والخوف هيخلع ص*ري ومصدقت وصلت لباب الشقة خبطت لغاية ماما فتحتلي ماما :: مالك يا صفاء مرعوبة كدة ليه .. حد فيهم طلع انا :: دخلت ومصدقت قعدت ... هاتيلي شوية ميه اشرب مش قادره اخد نفسي ماما :: جابتلي مياه وشربتها ... ايه اللي راعبك كدة انا :: القطة السودا دي انا متأكدة منهم هما محاصرينا علشان منفكرش نسيب البيت ماما :: مش عارفة يابنتي هنعمل ايه طيب احنا جبنا شيوخ كتير وعملنا كل اللي في ايدينا والأيام بتجري والمهلة بتخلص ...........................

Free reading for new users

Scan code to download app

App Store Google Play

Facebookexpand_more