#انتقام_الاشباح الفصل السابع

1618 Words

الفصل السابع ********* انا :: لازم يكون فيه حل .. مخلصتش الكلمة شبابيك الأوض كلها اترزعت واتفتحت واختي خرجت من الأوضة جري والقطط برا هاجت وصوتها كان كأنهم معانا في الشقة فضلت ابكي وماما حضناني واختي بقت هيا كمان قاعدة جنب ماما ومستخبية فيها وعيونها عمالة تروح وتيجي الباب خبطت ... ماما بصوت مليان خوف.. مين ؟ انا ياماما وجيه افتحي ماما قامت فتحت وقفلت الباب بسرعة واول ما وجيه شاف شكلنا سأل فيه ايه.... ماما حكت له اللي حصل وجيه :: انا مشفتش حاجة برا ... ؟ انا :: مش بقولك يا ماما القطط دي هما بعد ما الجوا هدي في الشقة ماما عملت لينا العشا واتعشينا كلنا وبعدين اخدت شنطتي و دخلت الأوضة انا ودلال وطلعت الأزازة وطلبت من دلال تشرب من الأزازة دي بسرعة دلال حاولت تفهم لكني قولت ليها مش وقته ... اشربي بسرعة دلال شربت الأزازه وبعدين حاولت تفهم ايه ده ... انا :: مينفعش اقولك ايه ده ... بس انا اللي عايزه اعرف .. في حد مارس الجنس معاكي من الجن تاني دلال :لا الساعة تلاتة صحيت علي صوت اختي اللي كانت ماسكة بطنها وبتتوجع وعمالة تعيط ووشها وجسمها كلة غرقان مياه من عرقها وببص تحت منها لقيت نازل من دم مفيش ثواني البيت بقي فيه هالة هياج وت**ير والحيطان بينزل منها دم اخدت اختي في حضني وبقينا ماسكين في بعض وماما واخويا قامو من النوم علي صوت الرزع والخبط واصوات الجان بقت في كل مكان في الشقة والنيران ولعت في الستاير بقينا انا وماما واخويا بنملي ميا من المطبخ ونطفي النار ... اكتر من ساعتين كل ما نطفي النار .. النار تزيد مش بتطفي لغايه الفجر وبعدها النار اطفت والأصوات راحت .. رجعت ل اختي لقيتها مغمي عليها ... جريت علي المطبخ من غير ما حد ياخد باله وجبت بصلة وفضلت افوق فيها لغايه ما فاقت وقومتها علشان تغير هدومها اللي كانت فيها دم وبعدين عملت ليها كوباية عصير ونامت وانا دخلت الحمام غسلت هدومها علشان محدش ياخد بالة تاني يوم اختي مقدرتش تروح الشغل وانا روحت شغلي وبالليل وانا راجعة لقيت العجوزه بردو مستنياني في نفس المكان دخلت اتكلمت معاها وطلبت منها تيجي معايا البيت رفضت وقالت انها متقدرش تخطي حتي قدام البيت وانها ممنوعة من دخول البيت. الا في حالة واحدة بس انها تلاقي مقاومة عنيفة من كل افراد اسرتي وساعتها هيبان ليها علامات معينة مينفعش تقولي عليها وساعتها بس تقدر تدخل البيت وتحاربهم معانا وقبل ما امشي قالتلي الحرب خلاص بدأت وهما عرفوا انك سقطتي اختك وانك انتي اللي هتشيلي بدالها الجنين وده قدري انا :: يعني ايه ؟ طب والمدة العجوزه :: برغم انهم في الأصل خاينين لكن المده خلاص انسيها بعد تسقيط اختك وافشال زرع الجنين فيها ... هينفذوا كل اللي قالتة ليكم الجنية ف*نة والبداية هتكون انتي انا :: طب وانتي مش هتساعديني العجوزه :: طول ما في حد فيكم عاجز عن المقاومة ومسحور من جواه انا مقدرش اعمل ليكم حاجة .. انا دوري وحدودي المكان ده انا :: كلنا رافضين وكلنا مقاومين العجوز :: فيكم اتنين الجان مسيطرين عليهم اختك وامك يلا كفاية كلام ... الفعل هيبتدي والمصير المحتوم ساعتة بدأت في الدوران واختفت وانا لسة مخلصتش اسئلة مشيت وانا مضايقة جدا لاني ملحقتش اسأل اهم سؤال لما هي عارفة ان الحرب كدة كدة هتبدا وانهم هيعرفوا اني انا اللي سقطت اختي ونزلت ال جنين قبل ما يتكون في بطن اختي كان لازمتة ايه التسقيط طالما كدة كدة مش هيسبونا في حالنا علي الأقل كان فيه مده لسة مخلصتش وكان ممكن نلاقي حل للمصيبة اللي احنا فينا روحت البيت لقيت الشارع كلة ملموم والنار مولعة في البيت كلة والناس بتحاول تطفي البيت ... حاولت ادخل البيت لكن الناس منعوني من دخول البيت ... وبعد تلات ساعات كانت المفاجئة اللي خلت الناس كلها تخاف وتدخل بيوتها وتقفل علي نفسها النار طفت لوحدها وكأن مفيش اي نار ولعت في البيت والسطح اتملي غربان سودا جريت علي السلم علشان اطمن علي ماما واخواتي وخبطت عالباب فتحتلي ماما وكأن مكنش فيه اي حاجة انا :: ماما انتوا كويسيين؟ ماما :: في ايه ياصفاء ؟ احنا بخير يابنتي انا :: البيت كان لسة مولع كلة والناس في الشارع بقالهم ساعتين بيحاول يطفوا النار اللي مسكت في البيت كلة ماما :: احنا محسيناش لا بنار ولا بغيره ماما جريت فتحت الشباك علشان تبص عالبيت بس شافت البيت عادي ومفهوش اي اثر للولعة ماما:: البيت مفهوش حاجة انا :: ماهو الغريب ان النار طفت لوحدها وكأن مفيش حاجة انا :: فين اختي وفين اخويا .. ماما .. اخوكي في الأوضة نايم جاي ياحبة عيني سخن وعنده برد ومن الصبح بعملة في كمدات انا :: واختي فين ؟ ماما :: جوا عند اخوكي دخلت تشوفة انا :: طيب انا هدخل اغير هدومي وبعدين ادخل اطمن عليه دخلت غيرت هدومي ولبست جلبية بيتي وبعدين خرجت لقيت ماما بتعملي العشا روحت دخلت ل وجية لقيت ماما دخلت ورايا وقالتلي الأكل جاهز ... وانتي يا دلال مش هتتعشي مع اختك اخويا نايم واختي بتعملة الكمادات دلال :: مالك يا صفاء واقفة متنحة كدة ليه انا :: انا ... لااااااااا مفيش حاجة ... وجيه عامل ايه دلال :: سخن والحرارة مش عايزه تنزل قعدت اتعشيت وماما قالت هتدخل تشوف اخويا وانا قاعدة باكل دلال خرجت وقعدت تاكل معايا انا :: عاملة ايه انتي النهاردة يا دلال دلال :: كويسة احسن بكتير مر يومين وكنت كل ما اعدي علي الشارع اللي فيه الشحاتة مكنتش بشوفها وقولت يظهر انهم وصلوا ليها وخلاص مش هتظهر تاني لكن في تالت يوم شفتها وسألتها علي سبب غيابها قالت كنت مطرح ماكنت متشغليش بالك انا :: طيب في سؤال ممكن اسألة العجوزه :: مش كل الأسئلة هتلاقي اجابتها عندي انا :: انتي ليه خلتيني اسقط اختي وانتي عارفة اني هكون انا البديل ليها والمده بعد ما كانت لسة ماخلصتش كده علي كلامك المده خلصت والحرب بدأت العجوزه :: علشان انتي الوحيده اللي في ايدك الخلاص وانتي اللي هتنهي الحرب انا :: ازاي في ايدي الخلاص وانا مش قادره احمي نفسي وانتي بنفسك قولتي قدري اني انا اللي هشيل العجوز :: علشان انتي اللي لازم تحملي منة لأنك انتي اقوي من اختك واقوي من امك وسحرهم مش مسيطر عليكي والخلاص مش هيتم غير بعد ما تشيلي بذرتة في رحمك ونهاية صفوان هتكون بأيدك انا :: ازاي وهيكون انتقامهم تم فيا انا مش فاهمة حاجة العجوز :: كلة بأوانة خدي الأزازة دي خليها ديما معاكي ومتخفيش الميا اللي فيها ميقدروش يشفوها لانها مقري عليها من جان اقوي منهم وقوتة اكبر من قوتهم بس مفعولها مش هيشتغل غير لما حملك يتم انا :: بقي الأزازه الصغيرة دي هتقتل صفوان العجوز :: مين قالك هتقتلة .. دي هتحبسة في عالمة وهيتحرم عليه هو وعشيرتة من الخروج للعالم بتاعكم انا :: طب ودي هستخدمها ازاي العجوز في وقتها هتعرفي كل حاجة انا :: طب في سؤال اخير معلش العجوز :: الكلام خلص ... والسؤال اللي في بالك اجابتة ممنوعة دلوقت انا :: انا عايزة اعرف الطفل اللي معاكي علي طول ... ده مين العجوز :: الأجابه ممنوعة والأسئلة وقتها خلص العجوز اخدت الرضيع ومشيت وسط الضباب اللي ظهر فجاءة وعرفت ان دورها خلص خلاص ويمكن متظهرش تاني شلت الأزازة في الشنطة وروحت البيت اول ما وصلت البيت لقيت الحيطان بتاعة البيت كلها بتنزف دم طلعت البيت بسرعة وخبطت فتحتلي اختي دلال دخلت وسألت علي ماما قالت انها من ساعتين في الأوضة بتاعتها مش عايزه تفتح لحد انا :: طب اخوكي فين ؟ دلال في واحد جالة من ساعة وقالة عايزك تجبلي حاجة من الورشة ولسة مجاش انا :: ماشي هروح ابص علي مامتك اشوف مالها روحت وخبطت علي الأوضة ردت عليا ايوة يا دلال انا :: انا مش دلال يا ماما انا صفاء حابسة نفسك في الأوضة ليه ماما :: انا نايمة وتعبانة الأكل في المطبخ انا :: طيب افتحي عايزة اطمن عليكي ماما :: اطمني انا نايمة ومش قادرة اقوم مشيت ودخلت الأوضة غيرت هدومي وخرجت. وطلعت الأكل من المطبخ وانا قاعدة باكل لمحت تحت باب اوضة ماما اضاءات بتتحرك زي وهج نار. قومت جري وحاولت افتح الباب بالقوة. لكن قوة كبيرة دفعتني في ص*ري خلتني طيرت واتخبطت في الحيطة واغمي عليا فتحت لقيت ان الساعة داخلة علي اتنين بعد نص الليل دورت علي وجية اخويا ملقتهوش قلت يمكن لسة مخلصش شغلة بس اخويا عمره ما اتأخر بره كدة جريت علي البلكونة ابص يمكن اشوف اخويا جاي ولا حاجة لكن مرت الساعات والصبح طالع ومفيش لا حس ولا خبر عليه ماما قامت الساعة سبعة وانا مكنتش نمت ولا هنام لأني هتجنن علي اخويا اللي مش عارفة راح فين ماما :: ايه اللي مصحيكي بدري كدة انا :: انا منمتش من امبارح ماما :: ليه كدة ؟ انا :: اخويا مجاش من امبارح ماما :: نعم ؟ مجاش منين وهو راح فين اصلا انا :: معرفش انا جيت بالليل من الشغل مكنش موجود ولما سألت دلال قالت ان فيه واحد جالة وشايل عنده تقريبا حاجة في الورشة ونزل معاه علشان يدهالة ومن ساعتها مجاش ماما راحت بسرعة صحت دلال وسألتها علي اخوها ومين اللي جاله بالليل دلال قالت انها اول مره تشوفة واخويا نزل معاه علي طول قعدنا احنا التلاتة حاطين ايدنا علي خدنا ومش عارفين هنعمل ايه وماما :: انا مش عارفة انا كمان قايمة جسمي وجعني كدة ليه وطول الليل احلام غريبة انا :: احلام ايه احكيلي ماما :: لا مش مهم ... المهم اخوكي اللي مش عارفينة راح فين انا مروحتش الشغل ولا دلال وخرجت اسأل علي اخويا عند اصحابة وكلة قال ان محدش شافة خالص طول اليوم ورجع علي بعد العصر البيت ماما سألتني مفيش اخبار قولت ليها محدش شافة خالص علي بالليل عرفت من رسالة مكتوبة بالدم علي دولاب اخويا انه اتسحب تحت الأرض وان تنفيذ الشروط بدأ من ليلة امبارح ... ومحدش فينا ينزل من البيت لاننا اصبحنا ملك وطوعهم قولت لماما اللي قالت انها كانت شاكة في ده واننا لازم نقبل بشروطهم علشان اخويا ميتقتلش ... وان اللي هيحصل هيحصل سواء برضانا او غصب عنا فضلنا قاعدين احنا التلاتة من غير راجل في البيت وكل واحدة فينا منتظره مصيرها وكل ما الساعة تمشي والليل يقرب علينا كان خوفنا بيذيد جوانا... وكلنا عارفين ان فيه واحدة فينا هتتعذب الليلة امبارح كانت امي ... الليلة معرفش الدور علي مين فينا .......... .........

Free reading for new users

Scan code to download app

App Store Google Play

Facebookexpand_more