Safire POV
Matalim ang tinging ipinupukol ko sa mukha ng lalaki na nasa aking harapan.
Mababakas mo ang labis na takot sa kan’yang mga mata, namumutla na rin ang mukha nito at may ilang butil ng dugo ang lumalabas mula sa pagkakabaon ng aking mga kuko sa kan’yang balat, dahil sa mahigpit na pagkakasakal ng kanang kamay ko sa leeg nito.
Nakangisi ako habang dahan-dahan kong pinagapang ang matulis na bahagi ng hawak kong patalim mula sa kan’yang dibdib, pababa sa kan’yang puson, hindi ito makagalaw dahil sa takot na bumaon ang patalim sa kan’yang katawan.
“Sisiguraduhin kong pasisisihan mo na pinakialaman mo ang katawang ito...bibigyan kita ng pagkakataon na masilayan ang mukhang ito na kailanman ay hindi mo makakalimutan, tumingin ka sa aking mga mata at tandaan mong mabuti ang mukha na
