Buong araw na naging mailap si Emma sa binata. Magkasama nga sila sa iisang bubong ngunit hindi niya naman ito kinakausap kung hindi siya tinatanong ni Xander. Sa kabila ng pangungulila niya sa presensiya ng binata ay nagawa niyang labanan ang nararamdaman at nakontrol nito ang kanyang sarili upang huwag itong lambingin sa loob ng buong araw. May kung anong nagtutulak sa kanya para maging linta sa binata at huwag nang bumitaw sa pagkakahawak dito pero buong pwersa niyang pinigilan ang kanyang sarili.
"Emma, wala ka ba talagang balak na kausapin ako?" Narinig niyang tanong ni Xander habang nanonood sila ng tv sa sala. Kanina pa sila doon ngunit tanging tv lang ang lumilikha ng ingay sa paligid. Bahagya rin naka-distansya ang dalaga kay Xander na talaga namang mailap. Umiiwas ito kay Xand
