“Ano ba ang lulutuin mo, Indie?” Nababagot na tanong sa kanya ni Nadine.
Binalingan n’ya ito at nginitian. “’Yung favorite kong ulam, Din. Menudo.” Sagot n’ya dito bago muling itinuon ang pansin sa kanyang niluluto.
Pagkagising n’ya kanina ay alas diez na ng umaga. Nagsimula na rin naman ang kanilang summer vacation kaya ayos lang na tanghaliin s’ya ng gising. Mabuti na nga lang at nakabawi naman s’ya ng dumating ang kanilang finals week kaya naman ay hindi ganoon ka baba ang kanyang mga naging marka.
Muntik na nga n’yang makalimutan na hindi nga pala s’ya nag-iisa sa kanyang silid. Mabuti na lang at nasa veranda si Janus ng mga sandaling iyon kung kailan pumasok ang kanyang Nana Mira upang gisingin s’ya. Nagtaka pa ito ng makita ang isang comforter at unan na nasa sahig kaya agad s’yan
