Pagod na humilata agad s’ya sa sofa sa kanilang sala pagkapasok nila sa kanilang bahay. Galing sila sa syudad upang mamasyal at ilibot si Janus sa ibang bahagi ng kanilang mundo para naman makalimutan nito ang nangyari kahapon na s’yang dahilan upang maging napakatahimik nito buong gabi kahit na paulit-ulit n’ya itong dinadaldalan. Mabuti na lang at naging maayos na rin ang pakiramdam nito ng magising sila kinaumagahan kaya napagpasyahan n’yang magtungo sila sa syudad para tuluyan nitong malimutan ang pangyayaring iyon na agad sinang-ayunan ng kanyang mga kaibigan.
Sa ilang araw nilang magkasama ni Janus ay mas nakilala nila ang isa’t isa. Nalaman n’yang takot pala ito sa aso. Isang beses kasi ay lumabas ito mag-isa sa gabi. Hindi n’ya nagawang itanong dito kung bakit ito lumabas dahil na
