“Hindi ko alam na may kapatid pala si Janus.”
Mapait itong ngumiti sa kanya. “Hindi n’ya rin naman alam.”
Nagtatakang tinitigan n’ya ito. “Paanong hindi n’ya alam?” Umiling-iling s’ya. “Hindi ko maintindihan, Atlas.”
Marahas na napahagod si Atlas sa buhok nito bago tumango at bumuntong hininga. “Hindi mo na ito dapat pang pagtuonan ng pansin pero para sa ikapapanatag ng iyong kalooban, ipapaliwanag ko ang lahat sa’yo, Indira.”
NAPALUNOK s’ya upang tanggalin ang bara sa kanyang lalamunan. Sa loob ng halos dalawampung taon n’yang pamumuhay bilang isang Engkanto ay hindi n’ya kailanman inasahang darating ang araw na may mapagsasabihan s’ya sa napakalaking sekretong matagal na n’yang kinikimkim.
Mataman lang na nakatingin si Indira sa kanya, hinihintay ang kung ano man ang kanyang sasabi
