Araw ng Sabado at wala silang pasok. Kasalukuyang nagdidilig ng halaman si Indira habang kausap si Rhian sa cellphone. May ipinapatanong kasi ang Daddy nito sa kanyang ama hanggang sa kung saan-saan na umabot ang kanilang pinag-uusapan.
Narinig n’ya ang paghikab ni Rhian sa kabilang linya.
“Ang aga pa, Yan, inaantok ka na naman?”
“Kaya nga, eh. Maaga pa kaya sana tulog pa ako ngayon. Ginising kasi ako ni Daddy. May pupuntahan daw kami.”
Napatango-tango s’ya. “Mag-ayos ka na. May pupuntahan pala kayo, eh.”
“Ibababa ko na, Indie, ah. Pasensya na. Usap na lang tayo ulit.”
“Ayos lang. Ingat kayo sa pupuntahan n’yo. Bye.”
Ipinagpatuloy n’ya ang ginagawa. Nalilibang s’ya sa nakikitang pamumukadkad ng kanyang mga tanim. Ang ibang kanilang na-ha-harvest ay inilalagay ng kanyang Nana Mira sa
