Napakunot ang noo ni Indira ng makita ang isang pulang rosas sa paanan ng kanyang glass door sa bahagi ng veranda. Ilang araw na rin n'yang nabubungaran iyon sa tuwing binubuksan n'ya ang naturang pinto. Kung minsan pa nga ay sa ibaba mismo ng kanyang kama kung saan malapit sa bintana. Ang posisyon pa niyon ay parang hinulog lang dahil wala sa ayos. Mabuti na lang at hindi nalalanta agad. Kinuha n'ya ang panibagong bulaklak na iyon. Sinamyo n’ya at napapikit.
Mom loves roses.
Iyon ang kuwento sa kanya ng kanyang Nana Mira kaya naman ay nagtanim s’ya ng mga rosas sa kanilang hardin na nakapalibot sa kanilang bahay. Siya mismo ang nagdidilig ng mga iyon kapag hindi s’ya abala sa kung anong gawain.
Napatingin s’ya sa pintuan ng may kumatok doon. “Pasok po.”
Bumungad sa kanya ang amang bih
