DAHIL sa sinabi niyang iyon ay tuluyan na ngang malapad na napangiti si Vincent. "Hindi naman ako nakikipaglokohan sa iyo eh," anitong tumayo at katulad ng sinabi nito kanina ay lumipat ito at naupo sa kaniyang tabi.
Mabilis na nakaramdam ng pagka-alarma si Portia sa ginawang iyon ni Vincent. Hindi kasi niya kayang itanggi na talagang apektado parin siya sa charm ng asawa niya. Kahit sabihin pang tatlong taon silang hindi nagkita.
Ang totoo parang iba ang nangyari dahil sa loob ng tatlong taon na iyon hindi siya lubusang naka-move on.
Sa tatlong taon na iyon ay nangulila lamang siya kay Vincent at ang lahat ng nararamdaman at nagiging reaksyon niya ngayon sa bawat gawin nito ay tanda lamang ng labis niya pananabik rito.
Gawa narin ng naisip niyang iyon ay kumilos si Portia saka umusog
