"KAILAN ka pa nakabalik?" bakas sa tono ng pananalita ni Vincent ang labis na pananabik nito sa kaniya.
Nakita rin niya iyon sa aura at bukas ng mukha nito, at iyon ang dahilan kaya hinayaan niya ang kaniyang asawa nang kumilos ito saka siya niyakap ng mahigpit.
Napangiti si Portia habang sa puso niya ay hindi niya kayang i-deny ang matinding kaligayahan na nararamdaman rin niya nang mga oras na iyon. Matagal na panahon na ang tatlong taon kung tutuusin pero ngayon kaharap na niya ang asawa niya, hindi maitatanggi ang labis na kaligayahang nasa puso niya. Iyon ang dahilan kaya hindi narin siya nagtaka nang parang may sariling isip ang mga braso niya na kusang kumilos at mahigpit na yumakap narin kay Vincent.
"Masaya akong makita ka," anas niya saka inilapat ng husto ang pisngi niya sa m
