ARAW ng Linggo, minabuti niyang makipagkita kay Vincent. Hindi pa muna niya sinabi sa binata ang dahilan kung bakit niyayaya niya itong magsimba sila ng magkasama dahil mas gusto niyang maipaliwanag iyon dito ng personal.
Buo na kasi ang desisyon niyang tanggapin ang alok na kasal ng binata lalo at pinadalhan na naman siya ng bulaklak ni Alvin kahapon.
Nasabi narin naman niya sa kaniyang Titat Cecil ang tungkol sa pagiging magkasintahan nila ni Vincent at sa pagkakataong ito ay totohanan na iyon. Hindi naman ito nagalit sa kanya although hindi rin ito naging masayang-masaya na siyang inaasahan niyang magiging reaksyon nito noon pa man once na magkaroon siya ng unang kasintahan.
“Anong ipinagdasal mo?” palabas na sila ng simbahan noon at naglalakad patungo sa kinapaparadahan ng sasak
