MAGULO man siyang tawagin o mahirap mang paniwalaan ang sinasabi niya pero iyon ang totoo. Wala siyang naramdamang ganito kay Alvin o kahit na sino pang lalaking nagpakita ng interes at nanligaw sa kaniya.
Pero si Vincent?
Kung tutuusin estranghero ito sa kabila ng katotohanan na ito ang nagmistulang knight in shining armour niya nang gabing nanganib ang kaniyang buhay.
Sa naisip ay tila ba nagkaroon na ng linaw kahit papaano ang lahat sa isipan ni Portia.
Masyado pang maaga para sabihin pero sa ginawang iyon ni Vincent at sa ipinakita nitong malasakit sa kaniya nang gabing iyon ay parang iba ang naging pagtingin niya rito kumpara sa karaniwan na niyang naging pananaw tungkol sa mga kalalakihan.
"What do you think?" nang manatili siyang tahimik makalipas ang ilang sandali ay muling n
